محليات

دونها عيالٍ تشيل أكفانها تحت الذخيرة

أثارت “عاصفة الحزم” قريحة كثير من الشعراء السعوديين والعرب، مبدين إعجابهم بحنكة الملك سلمان، وما نفذته صقور الجو السعودي، ومن بينهم  الشاعر أحمد علي العسيري.

وفيما يلي أبيات قصيدته:

حزم سلمان الجزيره نفّذه درع الجزيره

ليلةٍ سلمانها يقدح ويعطيكم نباها

ليلةٍ يوخذ بها الخاين على ذنب وجريره

ليلةٍ سلمانها ثاير ويرمي من سماها

 

يوجع الحوثي لظاها فوق ضلعينٍ قصيره

حلم دولته العريضه جاه سلمان وسباها

 

كلنا جند المليك ونتتظر وقت المسيره

ننهي احلام المجوس ونقطع اذنابٍ وراها

 

علّم الحوثي وقلّه عميت العين الحسيره

لايجي صوب البلاد ولايقرب من ثراها

 

دونها عيالٍ تشيل اكفانها تحت الذخيره

تنتصر والا شهاده مالك الا من حداها

 

فار صنعاء يوم جانا محترق نارٍ سعيره

احتميناه بوطنّا والحروق الله شفاها

 

ماعلينا في حمى الجيران ذمّ ولا معيره

المعيره فال وجهه فار صنعا هو بغاها

 

قد عطيناه الشحَم والسيف باقي في جفيره

غير عيّا ودّه بنارٍ يصالي في صلاها

 

ياعيال العود ياقوم المهمّات الخطيره

اعتزى فهْد العروبه للكويتي واحتماها

 

والمنامه يوم صاحت تطلب الكفّ النصيره

قام عبدالله خذاها تحت جنبه واحتواها

 

ضاقت الدنيا بصنعاء وانحطم ظهر الكسيره

وانتخى سلمان صرخه جاوب العالم صداها

 

البلاد بلاد اخو نوره سلاطين الجزيره

نحتمي حدّانها والمملكه حنّا فداها ..

 

تعليق واحد

زر الذهاب إلى الأعلى