للعيــد فرحـه غامرة في كل عــام
عيــد المحبــة والمودة والســــلام
عيـدٍ التســامح والتـــألف والوئـــام
عيـدٍ تباشــر به قلـوب المســلمين
والعــام هـذا يا وطنــا العيد غــيـر
عيـد اندحار الحقد والشـر الشـرير
وكل عـام يا وطـــن وأنــت بخيــــر
رغم عن خشوم الطغاة المرجفين
العيـد عيـد الجيـش والعهـد الجديد
جيـش التحدي كل ما اشتد الوعيـد
أحفاد أبو بكـر وعمـــر وابـن الوليـــد
حمــاة شــرع الله والبيــت الأميـــن
ســلام للجــيش الســعودية الأبــــيّ
جيــش حمــى دينـه ومنهـاج النبــي
منصور يا الجيش السعودي العربي
تسـتاهـل التبجيــل والنصـر المبيــن
أنــتــم جنـــــود الله وحمــاة الــــبلـد
بالحــــزم والعـــزم المــؤزر والجــــلاد
والعهــد بعــد العــــود يـوفيـــه الولــد
إنّــــا رمــاحٍ فـي نحــــــور الطامعيــن
والله يعلــي رايـــة رجـــال الحـــرس
اللـــي لحــب الـدار والدولـة غـــرس
واللي على ثغـر الوطـن ليـث شرس
بـالنـــــار والبــــارود رد المعتـديـــــن
وعلـى بيـاض الوجـه يا سلاح الحدود
يا للـي ولاءكــم للــوطن مالـه حـدود
أنتــم سيـــاج الأمـن ورجـال الصمـود
علــى يديكم يسقطــون المرجفيــن
أنتـــم وحنــا لا دعـا فينــــا الوطـــــن
وتغطــــرس العــــادي وتبّـــاع الفتــن
والله ما يــرجــف لــــواحدنــا جفـــــن
حتــى يقـــام العدل فــي دنيـا وديـن